ကောင်းကျိုးကိုယ်၌တည်စေမင်း

အေးချမ်းတဲ့ရွာလေးဟာ တရုတ်ကျောက်မိုင်းကုမ္ပဏီရောက်လာပြီး ရွာသူရွာသားတွေအလုပ်ကိုယ်စီရကြလို့ပျော်နေကြပေမဲ့ တကယ်တမ်းမှာတော့ အဲ့ဒီတရုတ်ကုမ္ပဏီဟာ အလုပ်သမားတွေကို အနိုင်ကျင့် ခေါင်းပုံဖြတ်နေခဲ့တာပါ။ ဒါတွေကို လုံးဝမကျေနပ်လို့ ခေါင်းငုံ့မခံတဲ့တစ်ဦးတည်းသောသတ္တိခဲကတော့ မဗေဒါပါ။

ပညာမတတ်ဗဟုသုတနည်းပြီးရိုးသားတဲ့ရွာသူရွာသားတွေကို စာရေးတတ်ဖတ်တတ်ပြီး ဗဟုသုတတွေတိုးစေဖို့ မောင်ဘသိန်းဆိုတဲ့ လူတစ်ယောက်ရောက်လာခဲ့တဲ့နောက်မှာတော့ တိုင်းတပါးကုမ္ပဏီကအနိုင်ကျင့်တာခံနေရတဲ့ရွာသားတွေအဖို့ မျက်စိပွင့်နားပွင့်ဖြစ်လာပြီး ပြင်းထန်တဲ့တိုက်ခိုက်မှုတွေတဖြည်းဖြည်းစတင်လာခဲ့ပါတယ်။

တိုင်းပြည်ကိုကျူးကျော်လာသူ တိုင်းတပါးတွေကို ပြင်းပြင်းထန်ထန်လက်တုံ့ပြန်တဲ့တိုက်ပွဲဟာ ကြည့်ရှုသူပရိသတ်တွေအဖို့ တကယ့်ကိုခံစားရစေသလို အားရကျေနပ်စရာလည်းကောင်းစေမှာပါ။