အကောင့်ဖွင့်ရန် ပုံအပေါ်သို့နှိပ်ပါ
Synopsis
“ကြာတော့သည်လမ်း မောင့်စကား”ကို ရုံမတင်ခင်ကတည်းက ပရိသတ်များကြားမှာ ပါဝင်ကြတဲ့ သရုပ်ဆောင်များကို ဝေဖန်မှုများ ရှိနေခဲ့တာ ဖြစ်ပါတယ်။
“ဝတ္ထုကတအားရှည်တယ်။ ပြီးတော့နှစ်အုပ်တွဲလည်းဖြစ်နေတယ်။ ဒါကြောင့် ကျွန်တော်ကအကုန်ကိုပြလို့မရဘူး။ အဲဒါကြောင့် ၂-နာရီကြာတဲ့ ရုပ်ရှင်ဖြစ်တဲ့အတွက် ချန်ခဲ့ရတာတွေအများကြီးရှိပါတယ်။ ဒီရုပ်ရှင်မှာ ဘာကိုပြချင်တာလဲပေါ့။ ပြချင်တာကအချစ်ပါဆိုတော့ အချစ်နဲ့ပတ်သက်ပြီးတော့ Plot တွေ ဇာတ်ရုပ်တွေဇာတ်ကောင် တွေ အဲဒီသုံးပွင့်ဆိုင်ဇာတ်လမ်းလေးကိုပဲ ဦးစားပေးပြီး သရုပ်ဖော်ခဲ့တယ်”လို့ဆိုပါတယ်။
“ကြာတော့သည်လမ်း မောင့်စကား” မှာပါဝင်ကြတဲ့ ဇာတ်ကောင်များရဲ့ ကာရိုက်တာအပိုင်းနဲ့လည်း ပတ်သက်လို့ မိုးနီလွင်က သူရဲ့ခံစားချက်ကို အခုလိုဆိုပါတယ်။
“ဆရာမရေးခဲ့တဲ့ ဇာတ်ကောင်သုံးယောက်စလုံးက လူသားအရမ်းဆန်တယ်။သူတို့သုံးယောက်သည် သုံးယောက်လုံးမှာ အကောင်းတွေချည်းပဲရှိမနေဘူး။ အဆိုးတွေပဲလည်း မဟုတ်ဘူး။ အကုန်လုံးက အကောင်းနဲ့အဆိုးမျှပြီးတော့ အချိန်တချိန်စီမှာ လှည့်ပြီးတော့ဖြစ်နေကြတယ်။ ဒီဇာတ်ညွန်းကိုရေးနေတဲ့အချိန်မှာပဲ ကိုယ်ဝင်သွားခဲ့တဲ့ Mood က ဒီအချိန်မှာ “တင်တင်ဇော်” ဖြစ်သွားတယ်။ ဒီအချိန်မှာ “ဖြိုးကျော်” ဖြစ်သွားတယ်။ တချိန်မှာ နန္ဒဖြစ်သွားတယ်။တလှည့်စီပါပဲ။ တစ်ယောက်တည်းကိုဦးတည်ပြီး ရေးသွားတယ်လို့တော့မရှိပါဘူး”
“ဒါပေမဲ့ အဓိကပြန်ပြောရရင် တင်တင်ဇော်သည် မိန်းကလေးဇာတ်ကောင်မလို့ အဲဒီအပိုင်းမှာတော့ နည်းပါလိမ့်မယ်။ နန္ဒ နဲ့ဖြိုးကျော်နေရာမှာတော့ ယောကျာ်းလေးတယောက်ဖြစ်တဲ့အတွက် ပိုချစ်သွားတယ်လို့ ပြောလို့ ရမယ်။ သူတို့နှစ်ယောက်စလုံးနေရာမှာ ခံစားပေးနားလည်ပေးလို့ရတယ်။ ကျွန်တော်နားမလည်နိုင်ဆုံးကတော့ တင်တင်ဇော်ပေါ့။ ခုထက်ထိ သူ့ကိုကျွန်တော်နားမလည်နိုင်သေးဘူး”လို့ ဧရာဝတီကို ဖြေပါတယ်။
ဒီဇာတ်ကားမှာ နန္ဒအဖြစ် စိုင်းစိုင်းခမ်းလှိုင်၊ ဖြိုးကျော်အဖြစ် ထွန်းထွန်းနဲ့ တင်တင်ဇော်အဖြစ် ဖွေးဖွေးတို့က ပါဝင်ထားကြတာ ဖြစ်ပါတယ်။
Similar titles
